مساحة فكرة · من سكريبت فكرة القدوة
إذا وصلت لأمر بنفسك أقوى بكثير من إن شخص ثاني يدلك كيف توصل عليه، لكن وجود القدوة رح يختصر عليك وقت.
من سكريبت فكرة القدوة
وجود القدوة لا يعني بشكل أو بآخر إنها كطريقة أفضل من امتلاكك للتجربة الشخصية، لأنك إذا وصلت لأمر بنفسك أقوى بكثير من إن شخص ثاني يدلك كيف توصل عليه.
القوة بتكمن باستمرارك لتنفيذ عمل أو خطة رسمتها لمستقبلك، ومدى انضباطك وصمودك بوجه كل الصعوبات يلي رح توقف بطريقك.
وجود القدوة رح يختصر عليك وقت.
لما تتابع شخص معين وتقتدي فيه، وتقتبس أفكاره وتحاول تفهمها وتطبقها، رح يساعدك هذا الاقتداء برحلة اكتشاف نفسك.
خلاصة الفكرة
القدوة بتكون محولة المعرفة النظرية لمعرفة عملية عن طريق تطبيقها بشكل عملي.
وجود القدوة رح يوفر عليك جهد ووقت.
بكون هو مفلتر المعلومات من قبلك وحاصل على خلاصتها.
رح يكون عندك مثال حي وواقعي، وعم تشوف النتيجة بعينك.
العثور على قدوة ومتابعتها ما بيضمنلك النجاح، لأن النجاح مربوط بمسؤولية الإنسان الشخصية.
الاستنتاج الشخصي
طريقة استفادتك من القدوة هي إنك تاخد المعلومات يلي سمعتها وتحاول تعمل منها استنتاجات شخصية.
حاول تراقب شعورك قبل الفعل وبعده.
لازم تحاول تكتب المعلومات الصادرة منك لفترة.
قارن المعلومات مع بعضها ومع المعلومات يلي سمعتها، حتى توصل لاستنتاجات شخصية.
شاهد الفكرة
